Shyǵys Qazaqstan oblysynda Jeńis kúnine orai UOS ardagerlerine 1 mln teńgeden beriledi, dep habarlaidy "Ult aqparat".
Búgingi tańda óńir boiynsha Uly Otan soǵysynyń 79 qatysýshysy turady. Olarǵa Jeńis kúniniń 76 jyldyǵyna orai 1 000 000 teńgeden berilmek.
Sondai-aqUOS qatysýshylaryna teńestirilgenderge oblystyq jáne jergilikti biýdjetten birrettik materialdyq kómek qarastyrylǵan.
«Qorshaý kezinde Leningrad qalasynyń kásiporyndarynda, mekemeleri men uiymdarynda jumys istegen jáne «Leningradty qorǵaǵany úshin» medalimen jáne «Qorshaýdaǵy Leningrad turǵyny» belgisimen nagradtalǵan azamattar - 11 adam (árbir qatysýshyǵa tólem mólsheri – 100 myń teńge); Ekinshi dúniejúzilik soǵys kezinde fashister men olardyń odaqtastary qurǵan kontslagerlerdiń, gettolardyń jáne basqa da eriksiz ustaý oryndarynyń jasy kámeletke tolmaǵan burynǵy tutqyndary - 22 adam (árbir qatysýshyǵa tólem mólsheri – 100 myń teńge); Basqa nekege turmaǵan, qaitys bolǵan UOS múgedekteriniń áielderi (kúieýleri), qaitys bolǵan UOS qatysýshylarynyń, partizandardyń, astyrtyn kúres júrgizýshilerdiń, «Leningradty qorǵaǵany úshin» medalimen jáne «Qorshaýdaǵy Leningrad turǵyny» belgisimen nagradtalǵan azamattardyń áielderi (kúieýleri), múgedek dep tanylǵandar – 531 adam (árbir qatysýshyǵa tólem mólsheri – 100 myń teńge)» delingen ShQO ákiminiń baspasóz qyzmeti taratqan málimette.
Sonymen qatar nagradtalǵan 320 tyl eńbekkerine – 100 myń teńgeden, marapattalmaǵan 12 504 tyl eńbekkerine – 42 500 teńgeden berilmek.
Aita keteiik, osy maqsatta biýdjetten jalpy mólsheri 705 mln teńge bólingen.
