ShQO Bas memlekettik sanitarlyq dárigeri mindetin atqarýshynyń jańa qaýlysy shyqty, dep habarlaidy "Ult aqparat".
Qaýlyda jazylǵandai, óńir boiynsha karantindik shekteýler 31 qańtarǵa deiin uzartyldy. Shekteý sharalarynyń merzimi oblys aýmaǵynda COVID-19 infektsiiasynyń taralýy boiynsha ahýaldyń ózgerýine sáikes qaita qaralýy múmkin.
«Sanitariialyq-dezinfektsiialyq rejimdi kúsheite otyryp, arnaiy, mamandandyrylǵan uiymdar, erekshe qajettiligi bar balalarǵa arnalǵan arnaiy mektep-internattar, jalpy úlgidegi jáne daryndy balalarǵa arnalǵan mektep-internat qaita ashylady. Meditsinalyq uiymdarda, qarttar men múmkindigi shekteýli adamdarǵa arnalǵan meditsinalyq-áleýmettik obektilerde, balalar úilerinde, áleýmettik ońaltý ortalyqtarynda sanitariialyq-dezinfektsiialyq rejimdi saqtaý jalǵasady», - delingen qujatta.
Sondai-aq bilim berý mekemelerinde qoǵamdyq tamaqtaný obektileriniń jumysyna ruqsat berildi. Biraq ondaǵy kelýshiler sany 30 paiyzdan aspaýy tiis.
