Shyǵys Qazaqstan oblysynda pýlmonolog mamandar jetispeýde, dep habarlaidy "Ult aqparat".
Bul týraly ShQO Óńirlik kommýnikatsiialar qyzmetinde onlain formatta ótken baspasóz konferentsiiasynda oblystyq Densaýlyq saqtaý basqarmasynyń orynbasary Vladimir Li málimdedi. Onyń aitýynsha, búgingi tańda Shyǵys Qazaqstanda barlyǵy 13 pýlmonolog jumys isteýde.
«Meditsinalyq mekemelerge 7 pýlmonolog maman jetispeidi. Jalpy, juqpaly aýrýlar statsionarlarynda koronavirýsqa qarsy kúreske infektsionist, anesteziolog-reanimatolog, pýlmonolog, jalpy praktika dárigeri, terapevt jáne kardiolog mamandary jumyldyrylǵan. Sondai-aq qajet bolǵan jaǵdaida basqa da saladaǵy dárigerler tartylýy múmkin», – dedi Vladimir Li.
ShQO Densaýlyq saqtaý basqarmasy orynbasarynyń aitýynsha, óńirde karantindik statsionarlarda negizinen terapevtter men jalpy praktika dárigerleri jumys isteýde.
