Shyǵys Qazaqstan oblysynda 49 jolaýshy PTR anyqtamasy bolmaǵandyqtan Nur-Sultan, Almaty jáne Shymkent qalalaryna qatynaityn ushaqtarǵa otyrǵyzylmady. Bul jaiynda kóliktegi bas memlekettik sanitar dáriger Sadýaqas Baiǵabylov málim etti, dep habarlaidy "Ult aqparat".
Onyń dereginshe, 2 qarasha kúni Shyǵys Qazaqstan oblysynan Nur-Sultan, Almaty jáne Shymkent qalalary baǵytynda PTR anyqtamasy bar 385 jolaýshy ushyp ketti.
«Óskemen men Semei áýejailarynda Nur-Sultan áýe reisine PTR anyqtamasy 33 adam jiberilgen joq. Olardyń ekeýinde anyqtamanyń jaramdylyq merzimi ótip ketsek, 31-inde múldem anyqtama bolmaǵan. Al Almaty áýe reisine Óskemen men Semei qalasynyń áýejaiynan 11 adam PTR anyqtamasy bolmaǵandyqtan ushaqqa otyrǵyzylmady. Sonymen qatar Óskemennen Shymkent baǵytyndaǵy áýe reisine PTR anyqtamasy joq 5 adam jiberilmedi», - deidi Sadýaqas Baiǵabylov.
Esterińizge sala keteiik, 2 qarashadan bastap Shyǵys Qazaqstan oblysynda COVID-19 boiynsha jańa shekteý sharalary engizildi. Oǵan sáikes, ShQO-dan áýe nemese temir jol kóligimen basqa óńirlerge saparlaityn barlyq jolaýshylarda PTR saraptamasyn tapsyrǵany jáne onyń teris nátijesi kórsetilgen anyqtamasy bolýy tiis.
