Shyǵys Qazaqstan oblysynda koronavirýs indetiniń órshýine óńirdegi kóshi-qonnyń joǵary bolýy yqpal etýi múmkin. Bul týraly QR Densaýlyq saqtaý vitse-ministri - Bas memlekettik sanitar dáriger Erlan Qiiasov aitty, dep habarlaidy "Ult aqparat".
«Qazirgi problemanyń birqatar obektivti sebebi bar. Sonyń biri - halyqtyń kóshi-qon qabiletiniń joǵary bolýy. Kórshiles memleketterdiń shekaralas aýdandarynda óte qolaisyz jaǵdai qalyptasyp, naýqastaný deńgeii joǵary bolyp tur. Sonyń saldarynan halyqtyń kóship-qonýy kezinde syrttan keletin jaǵdai jii bolýda», - dedi ol Ortalyq kommýnikatsiialar qyzmetindegi baspasóz máslihatynda.
Sonymen qatar ol Densaýlyq saqtaý ministrligi óńirdegi máselelerdi zerdeleý úshin komissiia jibergenin, birqatar problema anyqtalǵanyn aitty.
Ásirese jekemenshik zerthanalar jumysynda kemshilik bar ekendigin atap ótti.
«Habarlaý 3-5 táýlikke deiin keshigip jetizilgen. Sonyń saldarynan sanitarlyq-epidemiologiialyq qyzmet is-sharalardy kesheýildetip júrgizgen. Karantin sharalaryn asyra paidalaný faktileri de anyqtalyp jatyr. Qoǵamdyq kóliktegi jolaýshylardyń 50 paiyzyna deiin maskasyz júrip, araqashyqtyqty saqtamaǵan», - dedi Erlan Qiiasov.
