شىعىس قازاقستان وبلىسىندا كوروناۆيرۋس ٸندەتٸنٸڭ ٶرشۋٸنە ٶڭٸردەگٸ كٶشٸ-قوننىڭ جوعارى بولۋى ىقپال ەتۋٸ مٷمكٸن. بۇل تۋرالى قر دەنساۋلىق ساقتاۋ ۆيتسە-مينيسترٸ - باس مەملەكەتتٸك سانيتار دەرٸگەر ەرلان قيياسوۆ ايتتى, دەپ حابارلايدى "ۇلت اقپارات".
«قازٸرگٸ پروبلەمانىڭ بٸرقاتار وبەكتيۆتٸ سەبەبٸ بار. سونىڭ بٸرٸ - حالىقتىڭ كٶشٸ-قون قابٸلەتٸنٸڭ جوعارى بولۋى. كٶرشٸلەس مەملەكەتتەردٸڭ شەكارالاس اۋداندارىندا ٶتە قولايسىز جاعداي قالىپتاسىپ, ناۋقاستانۋ دەڭگەيٸ جوعارى بولىپ تۇر. سونىڭ سالدارىنان حالىقتىڭ كٶشٸپ-قونۋى كەزٸندە سىرتتان كەلەتٸن جاعداي جيٸ بولۋدا», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
سونىمەن قاتار ول دەنساۋلىق ساقتاۋ مينيسترلٸگٸ ٶڭٸردەگٸ مەسەلەلەردٸ زەردەلەۋ ٷشٸن كوميسسييا جٸبەرگەنٸن, بٸرقاتار پروبلەما انىقتالعانىن ايتتى.
ەسٸرەسە جەكەمەنشٸك زەرتحانالار جۇمىسىندا كەمشٸلٸك بار ەكەندٸگٸن اتاپ ٶتتٸ.
«حابارلاۋ 3-5 تەۋلٸككە دەيٸن كەشٸگٸپ جەتٸزٸلگەن. سونىڭ سالدارىنان سانيتارلىق-ەپيدەميولوگييالىق قىزمەت ٸس-شارالاردى كەشەۋٸلدەتٸپ جٷرگٸزگەن. كارانتين شارالارىن اسىرا پايدالانۋ فاكتٸلەرٸ دە انىقتالىپ جاتىر. قوعامدىق كٶلٸكتەگٸ جولاۋشىلاردىڭ 50 پايىزىنا دەيٸن ماسكاسىز جٷرٸپ, اراقاشىقتىقتى ساقتاماعان», - دەدٸ ەرلان قيياسوۆ.
