Foto: Katonqaraǵai memlekettik ulttyq tabiǵi parkinen
Shyǵys Qazaqstan oblysy aýmaǵynda kóbelektiń sirek kezdesetin túri anyqtaldy.
Katonqaraǵai memlekettik ulttyq tabiǵi parkinen usynǵan málimetke súiensek, ǵylym, ekologiialyq monitoring jáne aqparat bólimi josparly dala jumystaryn júrgizgen.
Sonyń barysynda bólim mamandary Zoologiia institýtynyń entomologiia zerthanasynyń ǵylymi qyzmetkeri, doktor Sergei Titovpen birlesip, Shyǵys Qazaqstan oblysynda sirek kezdesetin kóbelektiń túrin anyqtady.
«Kóbelektiń bul túri - Helis pardalina dep atalady. Ol Zaisan shuńqyrynyń aýmaǵynda Ashýtas shatqalynda tirkeldi. Buǵan deiin bul kóbelek tek ońtústik-shyǵys jáne batys Qazaqstan men Túrikmenstanda mekendeidi dep kórsetilgen. Biz bul kóbelekti tabiǵatta sýretke túsirip úlgerdik. Fotosýretter men skanogafiialar bar ǵylymi maqala Ecologica Montenegrina jýrnalyna jiberildi», - deidi ulttyq park qyzmetkerleri.
