Sońǵy derekterge sáikes, elimizde juqpaly indetke shaldyqqandar sany 12 859-ǵa jetti. Onyń ishinde Shyǵys Qazaqstan oblysynda jańa 5 jaǵdai tirkeldi, dep habarlaidy "Ult aqparat".
ShQO ákimi baspasóz qyzmetiniń málimetine súiensek, virýs Semei qalasyndaǵy 1960 jylǵy áiel men 1948 jyly týǵan er adamnan jáne Shymkent qalasynan Zaisan aýdanyna áskeri boryshyn óteýge kelgen 1997, 2000 jáne 2002 jylǵy azamattardan anyqtalǵan.
«Epidemiologiialyq kórsetkish boiynsha 2 naýqastan zerthanalyq taldaý burynyraq KVI aýrýyn juqtyrǵan adammen qarym-qatynasta bolǵandyqtan alynsa, qalǵan 3 adamnan profilaktikalyq maqsatta skrining kezinde anyqtaldy. Qazirgi ýaqytta qaýipti detti juqtyrǵan patsientterdiń barlyǵy infektsiialyq statsionarǵa jatqyzyldy. Olarmen bailanysta bolǵandarǵa epidemiologiialyq jáne meditsinalyq tekserý júrgizý úshin aýmaqtyq basqarma mamandary men meditsina qyzmetkerlerinen quralǵan mobildi top uiymdastyrylyp, oshaqtarǵa dezinfektsiia júrgizilýde. Epidemiiaǵa qarsy sharalar jalǵasyp jatyr» delingen habarlamada.
Qazirgi ýaqytta oblysta koronavirýs juqtyrǵan 190 adam bar. Onyń ishinde emdelip shyqqandar sany – 65.
