سوڭعى دەرەكتەرگە سەيكەس, ەلٸمٸزدە جۇقپالى ٸندەتكە شالدىققاندار سانى 12 859-عا جەتتٸ. ونىڭ ٸشٸندە شىعىس قازاقستان وبلىسىندا جاڭا 5 جاعداي تٸركەلدٸ, دەپ حابارلايدى "ۇلت اقپارات".
شقو ەكٸمٸ باسپاسٶز قىزمەتٸنٸڭ مەلٸمەتٸنە سٷيەنسەك, ۆيرۋس سەمەي قالاسىنداعى 1960 جىلعى ەيەل مەن 1948 جىلى تۋعان ەر ادامنان جەنە شىمكەنت قالاسىنان زايسان اۋدانىنا ەسكەري بورىشىن ٶتەۋگە كەلگەن 1997, 2000 جەنە 2002 جىلعى ازاماتتاردان انىقتالعان.
«ەپيدەميولوگييالىق كٶرسەتكٸش بويىنشا 2 ناۋقاستان زەرتحانالىق تالداۋ بۇرىنىراق كۆي اۋرۋىن جۇقتىرعان اداممەن قارىم-قاتىناستا بولعاندىقتان الىنسا, قالعان 3 ادامنان پروفيلاكتيكالىق ماقساتتا سكرينينگ كەزٸندە انىقتالدى. قازٸرگٸ ۋاقىتتا قاۋٸپتٸ دەتتٸ جۇقتىرعان پاتسيەنتتەردٸڭ بارلىعى ينفەكتسييالىق ستاتسيونارعا جاتقىزىلدى. ولارمەن بايلانىستا بولعاندارعا ەپيدەميولوگييالىق جەنە مەديتسينالىق تەكسەرۋ جٷرگٸزۋ ٷشٸن اۋماقتىق باسقارما ماماندارى مەن مەديتسينا قىزمەتكەرلەرٸنەن قۇرالعان موبيلدٸ توپ ۇيىمداستىرىلىپ, وشاقتارعا دەزينفەكتسييا جٷرگٸزٸلۋدە. ەپيدەميياعا قارسى شارالار جالعاسىپ جاتىر» دەلٸنگەن حابارلامادا.
قازٸرگٸ ۋاقىتتا وبلىستا كوروناۆيرۋس جۇقتىرعان 190 ادام بار. ونىڭ ٸشٸندە ەمدەلٸپ شىققاندار سانى – 65.
