Foto: inbusiness.kz
Shyǵys Qazaqstan oblysy turǵynynyń abyroiyn túsiretin videony taratamyz dep qorqytqan politseilerge qatysty sot úkimi shyqty, dep habarlaidyShQO sotynyń baspasóz qyzmeti.
Sot isi Óskemen qalalyq №2 sotynda qaraldy. Anyqtalǵandai, politsiia qyzmetkerleri jábirlenýshiniń jeke ómirine qatysty derekterdi bilip, odan aqsha bopsalaý úshin aldyn ala sóz bailasqan.
Sodan soń er adamǵa abyroiyna nuqsan keltiretin videony kórsetken. Ol bolsa tártip saqshylarynyń talabyna kónip, 3 mln teńge bergen.
"Aiyptalýshylar QK-niń 362-baby 4-bóligi 3-tarmaǵy (ózine nemese basqa adamdarǵa paida men artyqshylyqtar alý maqsatynda laýazymdyq ókilettigin asyra paidalaný) jáne 194-baby 2-bóligi 2-tarmaǵy (aldyn ala sóz bailasý arqyly toppen bopsalaý) boiynsha kináli dep tanyldy. Sot sheshimimen olardyń biri 6 jylǵa, ekeýi 5 jyl 6 ai merzimge bas bostandyǵynan aiyryldy", - dep habarlady ShQO sotynyń baspasóz qyzmetinen.
Úsheýine de memlekettik qyzmette jumys isteýge ómir boiyna tyiym salyndy. Úkim áli zańdy kúshine engen joq.
