فوتو: inbusiness.kz
شىعىس قازاقستان وبلىسى تۇرعىنىنىڭ ابىرويىن تٷسٸرەتٸن ۆيدەونى تاراتامىز دەپ قورقىتقان پوليتسەيلەرگە قاتىستى سوت ٷكٸمٸ شىقتى, دەپ حابارلايدىشقو سوتىنىڭ باسپاسٶز قىزمەتٸ.
سوت ٸسٸ ٶسكەمەن قالالىق №2 سوتىندا قارالدى. انىقتالعانداي, پوليتسييا قىزمەتكەرلەرٸ جەبٸرلەنۋشٸنٸڭ جەكە ٶمٸرٸنە قاتىستى دەرەكتەردٸ بٸلٸپ, ودان اقشا بوپسالاۋ ٷشٸن الدىن الا سٶز بايلاسقان.
سودان سوڭ ەر ادامعا ابىرويىنا نۇقسان كەلتٸرەتٸن ۆيدەونى كٶرسەتكەن. ول بولسا تەرتٸپ ساقشىلارىنىڭ تالابىنا كٶنٸپ, 3 ملن تەڭگە بەرگەن.
"ايىپتالۋشىلار قك-نٸڭ 362-بابى 4-بٶلٸگٸ 3-تارماعى (ٶزiنە نەمەسە باسقا ادامدارعا پايدا مەن ارتىقشىلىقتار الۋ ماقساتىندا لاۋازىمدىق ٶكٸلەتتٸگٸن اسىرا پايدالانۋ) جەنە 194-بابى 2-بٶلٸگٸ 2-تارماعى (الدىن الا سٶز بايلاسۋ ارقىلى توپپەن بوپسالاۋ) بويىنشا كٸنەلٸ دەپ تانىلدى. سوت شەشٸمٸمەن ولاردىڭ بٸرٸ 6 جىلعا, ەكەۋٸ 5 جىل 6 اي مەرزٸمگە باس بوستاندىعىنان ايىرىلدى", - دەپ حابارلادى شقو سوتىنىڭ باسپاسٶز قىزمەتٸنەن.
ٷشەۋٸنە دە مەملەكەتتٸك قىزمەتتە جۇمىس ٸستەۋگە ٶمٸر بويىنا تىيىم سالىندى. ٷكٸم ەلٸ زاڭدى كٷشٸنە ەنگەن جوق.
