Qańtardyń 20-sy kúni qatty borannyń saldarynan Shyǵys Qazaqstan oblysy Úrjar aýdanynda Almaty-Óskemen baǵytyndaǵy joldyń 681-shaqyrymynda kólikter keptelisip, júre almai qalǵan dep habarlady ishki ister ministrliginiń tótenshe jaǵdai jónindegi komiteti.
20 qańtarda túski saǵat 12-den bastap bul baǵyt boiynsha jol jabylǵan.
Komitettiń habarlaýynsha, jeti avtobýs, 45 kamaz, 30 jeńil kólik, segiz gazel jolda qalǵan. Olarda barlyǵy shamamen 400-den astam adam bar.
Adamdardy qaýipsiz jerge kóshirý úshin oqiǵa ornyna onnan astam qyzmetker, birneshe tehnika jiberilgen. "Biraq adamdar kólikterin tastap ketkisi kelmeidi" dep habarlady vedomstvo ókilderi.
Taskeleń aýylyndaǵy Úrjar aýdandyq ákimdiginiń "mádeniet úiinde" jolda qalǵandarǵa jylyný oryndary uiymdastyrylǵan.
"Azattyq"
