قاڭتاردىڭ 20-سى كٷنٸ قاتتى بوراننىڭ سالدارىنان شىعىس قازاقستان وبلىسى ٷرجار اۋدانىندا الماتى-ٶسكەمەن باعىتىنداعى جولدىڭ 681-شاقىرىمىندا كٶلٸكتەر كەپتەلٸسٸپ, جٷرە الماي قالعان دەپ حابارلادى ٸشكٸ ٸستەر مينيسترلٸگٸنٸڭ تٶتەنشە جاعداي جٶنٸندەگٸ كوميتەتٸ.
20 قاڭتاردا تٷسكٸ ساعات 12-دەن باستاپ بۇل باعىت بويىنشا جول جابىلعان.
كوميتەتتٸڭ حابارلاۋىنشا, جەتٸ اۆتوبۋس, 45 كاماز, 30 جەڭٸل كٶلٸك, سەگٸز گازەل جولدا قالعان. ولاردا بارلىعى شامامەن 400-دەن استام ادام بار.
ادامداردى قاۋٸپسٸز جەرگە كٶشٸرۋ ٷشٸن وقيعا ورنىنا وننان استام قىزمەتكەر, بٸرنەشە تەحنيكا جٸبەرٸلگەن. "بٸراق ادامدار كٶلٸكتەرٸن تاستاپ كەتكٸسٸ كەلمەيدٸ" دەپ حابارلادى ۆەدومستۆو ٶكٸلدەرٸ.
تاسكەلەڭ اۋىلىنداعى ٷرجار اۋداندىق ەكٸمدٸگٸنٸڭ "مەدەنيەت ٷيٸندە" جولدا قالعاندارعا جىلىنۋ ورىندارى ۇيىمداستىرىلعان.
"ازاتتىق"
