Shyǵys Qazaqstan oblysynda politsiia qyzmetkerleri «Anti-fraud» jedel aldyn alý sharasyn júrgizýde, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, «Anti-fraud» sharasynyń maqsaty – aqparattyq tehnologiiany qoldaný arqyly jasalatyn alaiaqtyqtyń aldyn alý jáne jolyn kesý. Eki kún ishinde tártip saqshylary jedel-izdestirý is-sharalary barysynda 11 qylmysty ashty.
«Sondai-aq buryn jasalǵan 30 qylmystyq is aiaqtaldy. Internette jasalǵan monitoring jumystary nátijesinde 20 pornografiialyq sait anyqtalǵan», - dedi ShQO PD bastyǵy Saǵat Mádiev.
Osy rette, departament ókilderi turǵyndarǵa barynsha abai bolyp, beitanys adamdarǵa aqsha aýdarmai, óz bank kartańyzdyń derekterin eshkimge jibermeý qajettigin eskertedi.
