Shyǵys Qazaqstan oblysynda 2020 jylǵy 1 qyrkúiek pen 2021 jylǵy 18 qańtar aralyǵynda 1037 oqýshy koronavirýs infektsiiasyn juqtyrǵan, dep habarlaidy "Ult aqparat".
Koronavirýsqa qarsy vedomstvoaralyq komissiianyń málimetine sensek, onyń ishinde 217 oqýshy - kezekshi synypta oqityndar, qalǵan 820-sy - qashyqtan bilim alyp jatqandar.
18 qańtardaǵy aqparatqa sáikes, 1 037 oqýshynyń 970-i qaýipti virýstan jazylyp, qazirgi tańda oqýyn qaita jalǵastyrýda.
Mektep qabyrǵasynda COVID-19 virýsyn juqtyrǵan oqýshy anyqtalǵan jaǵdaida, sanitariialyq-epidemiologiialyq talaptarǵa sáikes, mektepterdegi koronavirýs infektsiiasynyń oshaǵy sanalatyn synyptarǵa qashyqtan oqytýǵa aýystyrý týraly qaýly shyǵaryldy.
Qaýipti virýs anyqtalǵan barlyq mektepterde epidemiiaǵa qarsy sanitariialyq-dezinfektsiialyq is-sharalar júrgizildi.
ShQO bas memlekettik sanitar dárigeriniń 2021 jylǵy 3 qańtardaǵy qaýlysyna sáikes, 2020-2021 oqý jylynyń úshinshi toqsanynan bastap kontingenti 300 oqýshyǵa deiin qalalyq jáne aýyldyq mektepterde synyptardaǵy bala sany 15 adamǵa deiin dástúrli formatta oqýǵa ruqsat berildi.
Synyptaǵy bala sanyn 15-ten asyrmai, ata-analardyń ótinishi boiynsha jalpy bilim beretin mektepterde 1-5 synypqa deiin kezekshi synyptardyń oqýyna ruqsat etilgen.
Oqý bitiretin synyptar (9, 11 (12) synyptar) aptanyń 6 kúni ishinde aralas oqý qoldanylady: pánniń 70% - shtattyq rejimde, 30% - qashyqtan oqý formatynda júzege asyrylady.
Bilim mekemesi ákimshiliginiń sheshimimen sabaqtan tys ýaqytta 5 adamnan aspaityn toptarda oqýshylardy jeke oqytýǵa ruqsat berilgen.
