Shyǵys Qazaqstan oblysynda 1 qarashadan bastap blokpost qoiylady, dep habarlaidy "Ult aqparat".
ShQO taýarlar men qyzmetterdiń sapasy men qaýipsizdigin baqylaý departamenti basshysynyń mindetin atqarýshy Talǵat Tuńǵyshbaevtyń aitýynsha, bir táýlik ishinde óńirde koronavirýs infektsiiasyn juqtyrýdyń 139 jaǵdaiy tirkeldi. Osylaisha 100 myń turǵynǵa shaqqandaǵy kórsetkish jalpy respýblikalyq deńgeiden asyp, 683,6 qurap otyr.
«Oblystaǵy epidemiologiialyq jaǵdaidyń nasharlaýynyń negizgi sebepteri – turǵyndar men kásipkerlik sýbektileriniń epidemiiaǵa qarsy shekteý sharalaryn saqtamaýy, sondai-aq kórshiles elderden keletin jolaýshylar men taýar tasymalynyń kóptigi. Osyǵan bailanysty Qazaqstan Respýblikasynyń Úkimetimen kelise otyryp, 1 qarashadan bastap aimaq shekarasyna blok-beketter qoiylady. Óńir basshylyǵy kúsheitilgen karantin kezinde oblys halqynyń qalypty tynys-tirshiligin qamtamasyz etý úshin barlyq qajetti sharany qabyldaidy», - dedi Talǵat Tuńǵyshbaev.
Onyń aitýynsha, aldaǵy ýaqytta kásiporyndar, azyq-túlik dúkenderi, dárihanalar, bankter, HQKO-lar jumys istei beredi.
«Biz biznesti engizilgen karantindik sharalardyń saldarynan barynsha qorǵaýǵa tyrysamyz. Jańa qaýly jaqyn arada jariialanady», - dedi departament basshysynyń mindetin atqarýshy.
