شىعىس قازاقستان وبلىسىندا 1 قاراشادان باستاپ بلوكپوست قويىلادى, دەپ حابارلايدى "ۇلت اقپارات".
شقو تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ باسشىسىنىڭ مٸندەتٸن اتقارۋشى تالعات تۇڭعىشباەۆتىڭ ايتۋىنشا, بٸر تەۋلٸك ٸشٸندە ٶڭٸردە كوروناۆيرۋس ينفەكتسيياسىن جۇقتىرۋدىڭ 139 جاعدايى تٸركەلدٸ. وسىلايشا 100 مىڭ تۇرعىنعا شاققانداعى كٶرسەتكٸش جالپى رەسپۋبليكالىق دەڭگەيدەن اسىپ, 683,6 قۇراپ وتىر.
«وبلىستاعى ەپيدەميولوگييالىق جاعدايدىڭ ناشارلاۋىنىڭ نەگٸزگٸ سەبەپتەرٸ – تۇرعىندار مەن كەسٸپكەرلٸك سۋبەكتٸلەرٸنٸڭ ەپيدەميياعا قارسى شەكتەۋ شارالارىن ساقتاماۋى, سونداي-اق كٶرشٸلەس ەلدەردەن كەلەتٸن جولاۋشىلار مەن تاۋار تاسىمالىنىڭ كٶپتٸگٸ. وسىعان بايلانىستى قازاقستان رەسپۋبليكاسىنىڭ ٷكٸمەتٸمەن كەلٸسە وتىرىپ, 1 قاراشادان باستاپ ايماق شەكاراسىنا بلوك-بەكەتتەر قويىلادى. ٶڭٸر باسشىلىعى كٷشەيتٸلگەن كارانتين كەزٸندە وبلىس حالقىنىڭ قالىپتى تىنىس-تٸرشٸلٸگٸن قامتاماسىز ەتۋ ٷشٸن بارلىق قاجەتتٸ شارانى قابىلدايدى», - دەدٸ تالعات تۇڭعىشباەۆ.
ونىڭ ايتۋىنشا, الداعى ۋاقىتتا كەسٸپورىندار, ازىق-تٷلٸك دٷكەندەرٸ, دەرٸحانالار, بانكتەر, حقكو-لار جۇمىس ٸستەي بەرەدٸ.
«بٸز بيزنەستٸ ەنگٸزٸلگەن كارانتيندٸك شارالاردىڭ سالدارىنان بارىنشا قورعاۋعا تىرىسامىز. جاڭا قاۋلى جاقىن ارادا جارييالانادى», - دەدٸ دەپارتامەنت باسشىسىنىڭ مٸندەتٸن اتقارۋشى.
