Shyǵys Qazaqstan oblysyna gaz qashan jetedi? Bul suraqqa elimizdiń Energetika ministri Maǵzum Myrzaǵaliev jaýap berdi, dep habarlaidy QazAqparat.
Búgin elordada alǵash ret «KIOGE-2021» halyqaralyq munai jáne gaz kórmesi ashyldy.
Kórmeniń ashylýyna elimizdiń Energetika ministri Maǵzum Myrzaǵaliev qatysyp, onda qoiylǵan ónimdermen tanysyp ótti.
Shara barysynda ministr munai jáne gaz salasyna qatysty BAQ ókilderiniń suraǵyna jaýap berdi. Tilshiler kótergen máseleniń biri - Shyǵys Qazaqstanǵa gaz jetkizý.
«ShQO-ǵa gaz tartý jaqyn ýaqytta josparda joq. Biraq atalǵan másele bizdiń ministrliktiń kún tártibinde bar jáne ony Reseimen birlesip sheshý qarastyrylyp otyr. Atalǵan óńirdi gazdandyrýdy kórshi Reseidiń resýrsy esebinen sheshýge bolady. Ol úshin bólek gaz qubyryn tartý qajet», - dep jaýap berdi M. Myrzaǵaliev.
Sondai-aq, ministr ShQO-nyń Zaisan aýdanyn gazben qamtý máselesine arnaiy toqtalyp ótti.
«Zaisan aýdanyn gazdandyrý jumysy 2013-2014 jyldary bastaldy. Gaz qubyryn tartý josparyna sai 9 eldimekenge gaz jetkizildi. Búginde jumys jalǵasyp jatyr», - deidi ol.
