«STOP obnal» jedel aldyn alý sharasy barysynda Shyǵys Qazaqstan men Pavlodar oblystarynda jalǵan qujat jasaýmen ainalysqan qylmystyq toptyń joly kesildi, dep habarlaidy "Ult aqparat".
Shyǵys Qazaqstan oblysy boiynsha Ekonomikalyq tergeý departamentiniń málimetine súiensek, uiymdasqan qylmystyq top músheleri oryndalmaǵan jumys pen jetkizilmegen taýarlarǵa shot-faktýra jazýmen ainalysqan.
«Olar 2018-2020 jyldar aralyǵynda Shyǵys Qazaqstan men Pavlodar oblystarynyń aýmaǵynda toǵyz mekeme quryp, zańsyz áreketterin iske asyrǵan. Qylmystyq toptyń jalpy ainalymy 4 milliard teńgeden asady. Qazir bul toptyń músheleri qamaýǵa alyndy. Qujattar, mórler, chek kitapshalary jáne 9 million teńge tárkilendi. Tergeý amaldary jalǵasýda», - dep habarlady departament mamandary.
