Shyǵys Qazaqstan, Qaraǵandy, Pavlodar oblystary ǵylymdy qajetsinetin óndiris ortalyqtaryna ainala alady. Bul týraly búgin Qazaqstan halqyna Joldaýyn jariia etken QR Prezidenti Qasym-Jomart Toqaev aitty, dep habarlaidy QazAqparat.
«Elimizdiń aýmaqtyq jáne keńistik damýy ádisterin aitarlyqtai qaita qurylymdaý qajet. Óńirlerimiz ekonomikalyq jáne óndiristik erekshelikter, memlekettik qyzmetter sapasy men óńir deńgeii boiynsha ózgeleshenedi. Sondyqtan aýmaqtyq damýdy ártúrli óńirlerdiń básekelestik basymdyǵyn eskere otyryp qalyptastyrǵan jón. Eldiń ońtústiginiń, ońtústik-shyǵysynyń ónerkásip áleýetin belsendi túrde ashý qajet. Bul jerlerde memlekettik eńbek resýrstarynyń jartysy shoǵyrlanǵan. Sapaly jumys oryndary atalǵan óńirlerdi damytý úshin barynsha mańyzdy. Óńirlerde dástúrli agrarlyq sektordy qoldaýmen qatar aýyl sharýashylyǵy ónimderin,tereń óńdeýge, toqyma ónerkásibine, qurylys materialdary óndirisine nazar aýdar kerek», - dedi Memleket basshysy.
QR Prezidentiniń atap ótýinshe, indýstrialandyrý áleýmettik máselelerdi sheshý jáne tabys deńgeiin arttyrý úshin ǵana kerek emes. Ol azamattardyń jańa mentaldylyǵyn qalyptastyryp, olardy jańa álemge beiimdeidi. Al bul ulttyń básekege qabilettiliginiń faktory sanalady.
«Iri metallýrgiialyq kásiporyndar jumys istep turǵan óńirlerdi damytýda jańa kózqaras talap etiledi. Bul - birinshi kezekte Shyǵys Qazaqstan, Qaraǵandy, Pavlodar oblystary. Bul óńirler joǵary tehnologiialyq, ǵylymdy qajetsinetin óndiris, tehnikalyq qyzmet kórsetý ortalyqtaryna ainala alady. Qazaqstannyń batys óńirleri munai-gaz kesheni qurylysyna investitsiia tartýdyń, joǵary shekti jańa óndiris tsikldaryn qurýdyń ortalyǵyna ainalýy tiis. Bizdiń monoqalalardyń ekinshi tynysyn ashý mańyzdy. Bul jerde qala quraýshy kásiporyndarǵa úlken jaýapkershilik júkteledi. Bul mindet olardyń belsendi qatysýynsyz oryndalmaidy», - dedi Qasym-Jomart Toqaev.
