- QR Investitsiia jáne damý ministrligi júrgizgen ulttyq innovatsiialyq baiqaýdyń qorytyndysy boiynsha Shyǵys Qazaqstan «Eń innovatsiialyq-belsendi óńir» nominatsiiasyna laiyq dep tanyldy, dep habarlady óńirdiń aqparattyq ortalyǵyna silteme jasap «QazAqparat» HAA tilshisi.
Innovatsiia baiqaýy Qazaqstanda 2005 jyldan bastap ótip keledi. Sol ýaqyttan bastap oǵan eldiń barlyq óńirinen 5000-nan astam innovatorlar qatysty. 2016 jyly nominatsiianyń ár túri boiynsha úzdik jobalar aiqyndaldy. Onyń biri «Eń innovatsiialyq belsendi óńir» atalymynda jeńimpaz atanǵan Shyǵys Qazaqstanda innovatsiialyq kásiporyndar sany kóp, granttar alýǵa berilgen jobalar men ótinimder qoldaý tapqan.
«Eń innovatsiialyq belsendi óńir» nominatsiiasy óńirler ishinde básekelestikti yntalandyrý jáne qurý, sondai-aq innovatsiialyq áleýetti, infraqurylymdy damytý, investitsiia tartý maqsatynda jáne QR innovatsiialyq damý boiynsha memlekettik baǵdarlamalardy tiimdi iske asyrý úshin jobaǵa engizildi. Dástúr boiynsha baiqaý jeńimpazdary men júldegerlerine «Orta mektepter oqýshylary arasyndaǵy úzdik innovatsiialyq joba», «Stýdentter arasynda úzdik innovatsiialyq joba», «Úzdik ratsionalizatorlyq usynys» ataǵy berildi.
