Astanalyq politseiler kiik múiiziniń iri partiiasyn tárkileý operatsiiasyn ótkizdi. Bur týraly Polisia.kz saity habarlady.
Arnaiy operatsiia 9 sáýirde ótken. Onyń barysynda Nur-Sultan qalasy men Qaraǵandy oblysynyń politsiia qyzmetkerleri kiik múiiziniń iri partiiasyn satpaq bolǵan astananyń 55 jáne 52 jastaǵy eki turǵynyn, Qaraǵandy oblysynyń 44 jastaǵy bir turǵynyn ustady.
«Qylmystyq toptyń Nur-Sultanda turatyn eki múshesi elordadan satyp alǵan aqbóken múiizderin Qaraǵandy oblysynda satpaq bolǵan. Operatsiia kezinde 293 dana múiiz tárkilendi. Aldyn ala esep boiynsha, memleketke keltirilgen shyǵyn 500 mln teńgeni quraidy. Kúdiktilerdiń turatyn jeri men olarmen bailanystaǵy 6 mekenjaida bir mezette tintý júrgizildi», - dep jazady Polisia.kz.
Tintý barysynda aiǵaqzattar men dáleldemeler tabyldy. Budan bólek, esirtki quraldary anyqtaldy.
«Qazirgi ýaqytta atalǵan fakti boiynsha QR QK 339-babymen qylmystyq is qozǵaldy. Barlyq kúdiktiler ýaqytsha ustaý izoliatoryna qamaldy», - dep jazylǵan resmi málimette.
