Astanada qarjy piramidalaryn qurǵan tulǵalar anyqtalyp, qamaýǵa alyndy, dep habarlaidy "Ult aqparat".
QR Qarjy monitoringi agenttiginiń Nur-Sultan qalasy boiynsha Ekonomikalyq tergeý departamenti qarjy piramidasy retinde jumys istegen eki kompaniiany áshkereledi. Atap aitqanda, kompaniialar «Otbasy men jastardy qoldau qory» Korporativtik qory jáne «Invest Consulting Agensy» JShS retinde jumys istep, azamattardyń qarajatyn zańsyz tartqan.
«Saldarynan 300 mln teńgeden astam shyǵyn keltirildi. QR Qarjy naryǵyn retteý jáne damytý agenttiginiń qorytyndysy boiynsha, «Otbasy men jastardy qoldau qory» Korporativtik qory jáne «Invest Consulting Agensy» JShS-nyń jumysy zańsyz jáne qyzmet etýine tiisti ruqsaty joq.
Sotqa deiingi tergep-tekserý amaldary barysynda qajetti barlyq tergeý sharalary júrgizilýde. Qarjy piramidasyn uiymdastyrýshylarǵa «qamaýda ustaý» túrindegi bultartpaý sharasy qoldanyldy.
Qazirgi ýaqytta zardap shekkenderge keltirilgen shyǵyndy óteý boiynsha sharalar qabyldanýda.
QR Qylmystyq is júrgizý kodeksiniń 201-babyna sáikes, sotqa deiingi tergep-tekserýdiń ózge málimetteri tergeý múddesine orai jariialanýǵa jatpaidy», - dedi Nur-Sultan qalasy boiynsha Ekonomikalyq tergeý departamentinen.
