Qazaq halqynyń uly aqyny jáne oishyly Abaidyń 175 jyldyq mereitoiyna orai Qazaqstannyń Shveitsariiadaǵy Elshiligi Tsiýrih ýniversitetiniń akademiialyq orta ókilderi, Abai shyǵarmashylyǵyn súiip oqityn shveitsariialyqtar, sol elde oqityn qazaqstandyq stýdentter, qazaq diasporasy men elshilik dostarynyń qatysýymen «Abai oqýlary» atty open-air is-sharasyn uiymdastyrdy, – dep habarlady Syrtqy ister ministrligi.
Is-shara Liýtsern mańynda Alp jáne ataqty Liýtsern kólimen qorshalǵan eski Meggan saraiy janynda ótti.
Koronavirýs pandemiiasyna bailanysty mundai format óte qolaily jáne oryndy boldy, óitkeni Abai óleńderi akademiialyq qabyrǵalarǵa qaraǵanda tabiǵat aiasynda erekshe oqylady.
Sharada Qazaqstan Elshisi Álibek Baqaev: «orystar úshin Tolstoi, aǵylshyndar úshin Shekspir, nemister úshin Gete qalai baǵalansa, qazaq halqy úshin Abai da sondai qurmetke ie. Eger álem Abai týraly jáne onyń qazaq mádenieti men ádebietine qosqan úlesi týraly bilse, onda biz qazaq ádebieti álemdik klassikalyq ádebiette óziniń mańyzdy ornyn aldy dep aita alamyz» dep atap ótti.
Tsiýrih ýniversitetiniń Antropologiia jáne áleýmettik ǵylymdar kafedrasynyń jetekshisi, qazaq tilin meńgergen professor Peter Finke Abai shyǵarmashylyǵy qazaq ádebieti men tarihy úshin asa qundy ekenin atap ótti.
Uly aqynnyń shyǵarmashylyǵymen tanys is-shara qonaqtary Abai shyǵarmalaryn qazaq, frantsýz jáne nemis tilderinde oqydy.
Uly qazaq aqynyn eske alýǵa arnalǵan «Abai oqýlary» óte jyly jáne dostyq atmosferada ótip, qazaq ádebietin nasihattap, barlyq qatysýshylarǵa jaǵymdy estelikter qaldyrdy.
