قازاق حالقىنىڭ ۇلى اقىنى جەنە ويشىلى ابايدىڭ 175 جىلدىق مەرەيتويىنا وراي قازاقستاننىڭ شۆەيتساريياداعى ەلشٸلٸگٸ تسيۋريح ۋنيۆەرسيتەتٸنٸڭ اكادەمييالىق ورتا ٶكٸلدەرٸ, اباي شىعارماشىلىعىن سٷيٸپ وقيتىن شۆەيتسارييالىقتار, سول ەلدە وقيتىن قازاقستاندىق ستۋدەنتتەر, قازاق دياسپوراسى مەن ەلشٸلٸك دوستارىنىڭ قاتىسۋىمەن «اباي وقۋلارى» اتتى open-air ٸس-شاراسىن ۇيىمداستىردى, – دەپ حابارلادى سىرتقى ٸستەر مينيسترلٸگٸ.
ٸس-شارا ليۋتسەرن ماڭىندا الپ جەنە اتاقتى ليۋتسەرن كٶلٸمەن قورشالعان ەسكٸ مەگگان سارايى جانىندا ٶتتٸ.
كوروناۆيرۋس پاندەميياسىنا بايلانىستى مۇنداي فورمات ٶتە قولايلى جەنە ورىندى بولدى, ٶيتكەنٸ اباي ٶلەڭدەرٸ اكادەمييالىق قابىرعالارعا قاراعاندا تابيعات اياسىندا ەرەكشە وقىلادى.
شارادا قازاقستان ەلشٸسٸ ەلٸبەك باقاەۆ: «ورىستار ٷشٸن تولستوي, اعىلشىندار ٷشٸن شەكسپير, نەمٸستەر ٷشٸن گەتە قالاي باعالانسا, قازاق حالقى ٷشٸن اباي دا سونداي قۇرمەتكە يە. ەگەر ەلەم اباي تۋرالى جەنە ونىڭ قازاق مەدەنيەتٸ مەن ەدەبيەتٸنە قوسقان ٷلەسٸ تۋرالى بٸلسە, وندا بٸز قازاق ەدەبيەتٸ ەلەمدٸك كلاسسيكالىق ەدەبيەتتە ٶزٸنٸڭ ماڭىزدى ورنىن الدى دەپ ايتا الامىز» دەپ اتاپ ٶتتٸ.
تسيۋريح ۋنيۆەرسيتەتٸنٸڭ انتروپولوگييا جەنە ەلەۋمەتتٸك عىلىمدار كافەدراسىنىڭ جەتەكشٸسٸ, قازاق تٸلٸن مەڭگەرگەن پروفەسسور پەتەر فينكە اباي شىعارماشىلىعى قازاق ەدەبيەتٸ مەن تاريحى ٷشٸن اسا قۇندى ەكەنٸن اتاپ ٶتتٸ.
ۇلى اقىننىڭ شىعارماشىلىعىمەن تانىس ٸس-شارا قوناقتارى اباي شىعارمالارىن قازاق, فرانتسۋز جەنە نەمٸس تٸلدەرٸندە وقىدى.
ۇلى قازاق اقىنىن ەسكە الۋعا ارنالعان «اباي وقۋلارى» ٶتە جىلى جەنە دوستىق اتموسفەرادا ٶتٸپ, قازاق ەدەبيەتٸن ناسيحاتتاپ, بارلىق قاتىسۋشىلارعا جاعىمدى ەستەلٸكتەر قالدىردى.
