Shveitsariia jáne Monako pavilondary Astanada ótetin «EKSPO-2017» halyqaralyq kórmesine qyzý daiyndyq ústinde. Bul jaiynda «EKSPO-2017» halyqaralyq kórmesiniń qatysýshysy, ulttyq Shveitsariia jáne Monako sektsiiasynyń komissary Manýel Salchli aitty, dep habarlaidy «Ult aqparat» Zakon.kz saityna silteme jasap.
Monako koroldiginiń delegatsiiasy «EKSPO-2017» halyqaralyq kórmesindegi óz pavilonyn anyqtady. Jaqyn arada alǵashqy jobalarynyń birin tanystyrady. Al shveitsariialyqtar óz pavilionyna erteń ornalasady.
Monoko pavilonyna qatysty Manýel Salchli: «Biz óz pavilionymyzdy qabyldap aldyq. Bizdiń ujym búgin-erteń jańa jobany tanystyrmaq. Biz EKSPO basshylarynyń kóńilinen shyǵamyz dep úmittenmiz», -deidi.
«Shveitsariia pavilonyna qatysty bári biz josparlaǵandai júzege asyp keledi. Qurylys qarqyndy júrip jatyr. Jumystar 2 sáýirde aiaqtalady. Qatelespesem, erteń EKSPO basshylarynan resmi túrde óz pavilonymyzdy qabyldaimyz», - deidi komissar.
Qazirgi kezde Shveitsariia men Monako delegatsiiasy kórmede qyzmet etetin jumysshylardy izdestirýde. Olardyń aitýynsha, sharaǵa qatysatyndardyń 50%-y qazaqstandyq azamattar bolady.
«Shveitsariia elshiligindegi áriptestermen birge jumysshylardy izdep jatyrmyz. Qazaq, orys, aǵylshyn tilderin jetik meńgergen jastardy kórip, tańqalysymyzdy jasyra almadyq. Bizdiń pavilonda jalpy 50 adam jumyspen qamtamasyz etiledi. Onyń 50%-y qazaqstandyqtar bolmaq.
