QR Syrtqy ister ministri Muhtar Tileýberdi Shveitsariianyń Qazaqstandaǵy elshisi Ýrs Shmidti elimizdegi diplomatiialyq missiiasynyń aiaqtalýyna bailanysty qabyldady, dep habarlaidy "Ult aqparat" syrtqy saiasat vedomostvosynyń baspasóz qyzmetine silteme jasap.
Kezdesýde Ministr QR Prezidenti Qasym-Jomart Toqaevtyń tapsyrmasy boiynsha Qazaqstan Respýblikasy men Shveitsariia Konfederatsiiasy arasyndaǵy ekijaqty qatynastardy nyǵaitýǵa jáne damytýǵa qosqan eleýli úlesi úshin Ý. Shmidke II dárejeli «Dostyq» ordenin tabys etti.
Qazaqstannyń syrtqy saiasi vedomstvosynyń basshysy oǵan joǵary deńgeidegi bailanystardy qarqyndatý men eki el arasyndaǵy syndarly jáne ózara tiimdi yntymaqtastyqty keńeitýge baǵyttalǵan belsendi qyzmeti úshin alǵys aitty.
Óz kezeginde Elshi saiasi, ekonomikalyq jáne mádeni-gýmanitarlyq máselelerdiń barlyq spektri boiynsha berik jáne úilesimdi eki jaqty qarym-qatynastardyń odan ári damitynyna senim bildirdi.
