Shvetsiianyń otstavkaǵa ketken tuńǵysh áiel premer-ministri óz ornyna qaita taǵaiyndaldy.
Bi-bi-sidiń habarlaýynsha, ol 2022 jyldyń qyrkúiegindegi sailaýǵa deiin bir partiiadan turatyn úkimetti basqarýy múmkin.
Ótken sársenbide Magdalena Andersson ózi qurǵan koalitsiia merziminen buryn ydyraǵan soń otstavka suraǵan. Shvetsiianyń jańa koalitsiia úkimeti Magdalena Andersson usynǵan biýdjet boiynsha daýys berilisimen tarap ketken.
Andersson premer-ministr qyzmetine sotsial-demokrat Stefan Liovenniń ornyna keldi. Úkimetti jeti jyl basqarǵan Lioven tamyz aiynda otstavkaǵa ketken. Maýsym aiynda depýtattar oǵan senimsizdik bildirgen.
Lioven Shvetsiia tarihynda oppozitsiianyń bastamasy boiynsha ótken senim bildirý týraly daýys berý nátijesinde jeńilip qalǵan alǵashqy premer-ministr boldy.
