Magdalena Andersson Shvetsiia tarihyndaǵy birinshi áiel premer-ministr atandy. Shvetsiia bul oqiǵaǵa deiin Skandinaviia elderiniń ishinde ult kóshbasshysy retinde áieldi sailap kórmegen jalǵyz el bolatyn, dep habarlaidy QazAqparat BBC-ge silteme jasap.
54 jastaǵy Magdalena Anderssondy bul qyzmetke Shvetsiia parlamenti bekitti. Ol Stefan Levenniń ornyna keldi. Shved zańyna sai, premer-ministr bolý úshin parlament músheleriniń basym bóligi qarsy daýys bermeýi kerek.
Shvetsiianyń Sotsial-demokratiialyq jumysshy partiiasynyń kóshbasshysy Magdalena Manderssondy tańdaýǵa 174 depýtat daýys berdi. Bul depýtattardyń jartysynan az. 117 depýtat Manderssonnyń kandidatýrasyn qoldap, taǵy 57-si daýys berýden bas tartty. Osylaisha, eldiń jańa premer-ministri az aiyrmashylyqpen jeńiske jetti.
Sailaý qorytyndysy belgili bolǵannan keiin Sotsial-demokratiialyq jumysshy partiiasynyń kóshbasshysyna Riksdag qabyrǵasynda qurmet kórsetildi.
Andersson mamandyǵy boiynsha – ekonomist. Ol Stokgolm ekonomika mektebin támamdap, 1992 jyly iskerlik ákimshilik jáne ekonomika salasyndaǵy ǵylym bakalavry dárejesin alǵan. 1995 jyly ol oqýyn Gardardta jalǵastyrdy.
Ol saiasi mansabyn 1996 jyly premer-ministr Ioran Perssonnyń saiasi keńesshisi retinde bastaǵan. 2014 jyly Andersson Shvetsiianyń qarjy ministri atandy. Oǵan deiin bul laýazymda da áielder bolmaǵan.
