Shvetsiia SIM basshysy Ann Linde eldiń NATO-ǵa kirýi týraly ótinishke qol qoidy, - dep habarlaidy Tengrinews.kz agenttigi Sveriges Television saityna silteme jasap.
Bul týraly Ann Linde Twitter-degi paraqshasynda habarlady. Onyń sózinshe, qazirgi ýaqytta NATO-ǵa múshelik etý - Shvetsiia úshin eń utymdy sheshim.
"Búgin tańerteń Shvetsiia SIM basshysy Ann Linde eldiń NATO-ǵa qosylý týraly ótinishine qol qoidy", - delingen habarlamada.
Qujat Finliandiianyń málimdemesimen birge osy aptanyń sońynda Briýsseldegi Soltústik Atlantikalyq alianstyń shtab-páterine usynylady.
Eske salaiyq, 15 mamyrda Finliandiia prezidenti Saýli Niiniste el resmi túrde NATO-ǵa qosylýǵa jáne múshelikke ótinish berýge sheshim qabyldaǵanyn málimdegen. Premer-ministr Sanna Marin bul tarihi sheshim ekenin aitty. Odaqqa kirý týraly sheshim Finliandiia Parlamentinde 16 mamyrda talqylanady. Keiinirek Shvetsiia biligi de Soltústik Atlantikalyq odaqqa kirýge ótinish berýdi josparlap otyrǵanyn habarlady.
