Úkimet otyrysynan keiin tilshilerdiń suraǵyna jaýap bergen QR Investitsiialar jáne damý ministri Jeńis Qasymbek Shýdaǵy poiyz apatyna sebep bolýy múmkin basty nusqany atady, dep habarlaidy "Ult aqparat".
"Poiyzdyń qarsy jolaqta kele jatqan poiyzben sotyǵysqany jaily nusqa búginde joqqa shyǵarylady. Negizgi sebep - joldyń jaǵdaiy. Joldyń sapasy sebep bolyp otyr. Sońǵy ret kóktemde júrgizilgen jóndeý jumystarynan keiingi joldyń sapasy sebep bolyp tur. Jóndeý jumystarynyń sapasyna, kúndelikti tekseriske, bul joldyń jaǵdaiyna kelgende suraqtar bar", - dedi Jeńis Qasymbek.
"Sonda kim kináli?", - dep surady jýrnalister ministrden.
"Men sizderge 20-ret aityp turmyn, kimniń kináli ekenin komissiia anyqtaidy", - dedi Qasymbek.
"Kúnniń ystyq bolýyna bailanysty relster keńeiip ketýi múmkin degen nusqa bar ma?", - dep taǵy surady BAQ ókilderi mignistrden.
"Bul - fizika, aýa temperatýrasy ózgerýine bailanysty osyndai jaǵdailar bolady. Mundai jaǵdailardy baqylaýy tiis arnaiy qyzmetter bar", - dep qorytyndylady sózin ministr.
Eske sala ketsek, 17 maýsymda Astanadan Almatyǵa bara jatqan jolaýshylar poiyzy aýdarylyp, bir jasóspirim kóz jumǵan bolatyn.
