ٷكٸمەت وتىرىسىنان كەيٸن تٸلشٸلەردٸڭ سۇراعىنا جاۋاپ بەرگەن قر ينۆەستيتسييالار جەنە دامۋ مينيسترٸ جەڭٸس قاسىمبەك شۋداعى پويىز اپاتىنا سەبەپ بولۋى مٷمكٸن باستى نۇسقانى اتادى, دەپ حابارلايدى "ۇلت اقپارات".
"پويىزدىڭ قارسى جولاقتا كەلە جاتقان پويىزبەن سوتىعىسقانى جايلى نۇسقا بٷگٸندە جوققا شىعارىلادى. نەگٸزگٸ سەبەپ - جولدىڭ جاعدايى. جولدىڭ ساپاسى سەبەپ بولىپ وتىر. سوڭعى رەت كٶكتەمدە جٷرگٸزٸلگەن جٶندەۋ جۇمىستارىنان كەيٸنگٸ جولدىڭ ساپاسى سەبەپ بولىپ تۇر. جٶندەۋ جۇمىستارىنىڭ ساپاسىنا, كٷندەلٸكتٸ تەكسەرٸسكە, بۇل جولدىڭ جاعدايىنا كەلگەندە سۇراقتار بار", - دەدٸ جەڭٸس قاسىمبەك.
"سوندا كٸم كٸنەلٸ?", - دەپ سۇرادى جۋرناليستەر مينيستردەن.
"مەن سٸزدەرگە 20-رەت ايتىپ تۇرمىن, كٸمنٸڭ كٸنەلٸ ەكەنٸن كوميسسييا انىقتايدى", - دەدٸ قاسىمبەك.
"كٷننٸڭ ىستىق بولۋىنا بايلانىستى رەلستەر كەڭەيٸپ كەتۋٸ مٷمكٸن دەگەن نۇسقا بار ما?", - دەپ تاعى سۇرادى باق ٶكٸلدەرٸ ميگنيستردەن.
"بۇل - فيزيكا, اۋا تەمپەراتۋراسى ٶزگەرۋٸنە بايلانىستى وسىنداي جاعدايلار بولادى. مۇنداي جاعدايلاردى باقىلاۋى تيٸس ارنايى قىزمەتتەر بار", - دەپ قورىتىندىلادى سٶزٸن مينيستر.
ەسكە سالا كەتسەك, 17 ماۋسىمدا استانادان الماتىعا بارا جاتقان جولاۋشىلار پويىزى اۋدارىلىپ, بٸر جاسٶسپٸرٸم كٶز جۇمعان بولاتىن.
