Ústimizdegi jyldyń 17 maýsymynda «Astana-Almaty» baǵytyndaǵy №9/10 jolaýshylar poiyzy apatqa ushyraǵan bolatyn. Oqiǵaǵa bailanysty júrgizilgen sotqa deiingi tergeý isi aiaqtaldy, dep habarlaidy QazAqparat.
«Tergeý anyqtaǵandai, temir jol tósemin kútip ustaý boiynsha josparly aldyn-alý jumystary ýaqytynda júrgizilmegen. Sonyń saldarynan kóldeneń kúshterdiń yqpalymen temir jol qisaiǵan. Osylaisha, vagondar joldan shyǵyp ketti» delingen Shý kólik prokýratýrasy taratqan habarlamada.
Atalǵan jol bóligine Shý jol distantsiiasy bastyǵynyń orynbasary, №2 ýchaske bastyǵy jáne onyń orynbasary jaýapty. Atalmysh mamandar kúdikti retinde tanylyp, olardyń is-áreketi Qylmystyq kodekstiń 344-baby 2-bóligi aiasynda qaraldy. Bul qorytyndylar sot saraptamasymen, mamandardyń zertteýimen, kýágerlerdiń jaýaptarymen, alynǵan qujattarmen, sondai-aq basqa da aiǵaqtarmen rastaldy.
«Is boiynsha 700-den astam adamnan jaýap alynyp, 75 zańdy jáne jeke tulǵa jábirlenýshi dep tanyldy. 50-den astam túrli saraptamalar men zertteýler júrgizildi. Olardyń jiyntyǵy 70-ten astam tomdy qurady» dep málim etti kólik prokýratýrasynan.
1 qarashada qylmystyq is Shý aýdandyq sotyna joldandy. Aita keteiik, aǵymdaǵy jyldyń maýsym aiynda Shýda 8 vagon relsten shyǵyp ketip, poiyz aýdarylyp qalǵan bolatyn. Kóp uzamai apatqa qatysty qylmystyq is qozǵaldy
