ٷستٸمٸزدەگٸ جىلدىڭ 17 ماۋسىمىندا «استانا-الماتى» باعىتىنداعى №9/10 جولاۋشىلار پويىزى اپاتقا ۇشىراعان بولاتىن. وقيعاعا بايلانىستى جٷرگٸزٸلگەن سوتقا دەيٸنگٸ تەرگەۋ ٸسٸ اياقتالدى, دەپ حابارلايدى قازاقپارات.
«تەرگەۋ انىقتاعانداي, تەمٸر جول تٶسەمٸن كٷتٸپ ۇستاۋ بويىنشا جوسپارلى الدىن-الۋ جۇمىستارى ۋاقىتىندا جٷرگٸزٸلمەگەن. سونىڭ سالدارىنان كٶلدەنەڭ كٷشتەردٸڭ ىقپالىمەن تەمٸر جول قيسايعان. وسىلايشا, ۆاگوندار جولدان شىعىپ كەتتٸ» دەلٸنگەن شۋ كٶلٸك پروكۋراتۋراسى تاراتقان حابارلامادا.
اتالعان جول بٶلٸگٸنە شۋ جول ديستانتسيياسى باستىعىنىڭ ورىنباسارى, №2 ۋچاسكە باستىعى جەنە ونىڭ ورىنباسارى جاۋاپتى. اتالمىش ماماندار كٷدٸكتٸ رەتٸندە تانىلىپ, ولاردىڭ ٸس-ەرەكەتٸ قىلمىستىق كودەكستٸڭ 344-بابى 2-بٶلٸگٸ اياسىندا قارالدى. بۇل قورىتىندىلار سوت ساراپتاماسىمەن, مامانداردىڭ زەرتتەۋٸمەن, كۋەگەرلەردٸڭ جاۋاپتارىمەن, الىنعان قۇجاتتارمەن, سونداي-اق باسقا دا ايعاقتارمەن راستالدى.
«ٸس بويىنشا 700-دەن استام ادامنان جاۋاپ الىنىپ, 75 زاڭدى جەنە جەكە تۇلعا جەبٸرلەنۋشٸ دەپ تانىلدى. 50-دەن استام تٷرلٸ ساراپتامالار مەن زەرتتەۋلەر جٷرگٸزٸلدٸ. ولاردىڭ جيىنتىعى 70-تەن استام تومدى قۇرادى» دەپ مەلٸم ەتتٸ كٶلٸك پروكۋراتۋراسىنان.
1 قاراشادا قىلمىستىق ٸس شۋ اۋداندىق سوتىنا جولداندى. ايتا كەتەيٸك, اعىمداعى جىلدىڭ ماۋسىم ايىندا شۋدا 8 ۆاگون رەلستەن شىعىپ كەتٸپ, پويىز اۋدارىلىپ قالعان بولاتىن. كٶپ ۇزاماي اپاتقا قاتىستى قىلمىستىق ٸس قوزعالدى
