Ózin Astana-Almaty baǵytyndaǵy jolaýshylar poiyzynyń jolserigimin dep tanystyrǵan er adam Shý mańyndaǵy poiyz apatynyń sebebi soqqydan boldy deidi. Bul týraly Tengrinews.kz tilshisi habarlady.
Onyń tótenshe jaǵdai týraly aitqan pikiri bar video áleýmettik jelilerde taralyp jatyr. Videoda er adam jolaýshylar poiyzyna qarsy júk poiyzy júrgenin málimdeidi.
"Biz Astanadan kele jattyq. Bizge qarsy Shýdan júk kóligi kele jatty. 11-shi vagonnyń qoldanylmaityn tusyna soqqy boldy. Osynyń saldarynan vagon turyp qaldy, biraq kelesi vagondar shyǵyp ketti", - deidi er adam videoda.
Kadr syrtyndaǵy kýágerlerdiń aitýynsha, jolaýshylar poiyzyna júk sostavynyń júgi tigen, soǵan qaraǵanda bul jaǵdai burylysta bolǵan.
Al munyń aldynda QR IDM Shý mańyndaǵy jolaýshylar poiyzy apatynyń aldyn ala sebebin ataǵan edi.
"17 maýsymda 13.25-te Sary-Shaǵan - Shý ýchaskesinde Astana - Almaty baǵytyndaǵy #9/10 poiyzynyń segiz jolaýshylar vagony relsten shyǵyp ketti. Poiyz mashinisi joldaǵy aqaýdy kórip, shuǵyl tejegishti qoldanǵan", - dep habarlaǵan edi ministrlik ókilderi.
Al munyń aldynda bas prokýratýradaǵylar apat saldarynan 11 adam júginip, olarǵa járdem kórsetilgenin habarlaǵan edi.
Oqiǵa ornynda Bas kólik prokýratýrasy prokýrorlarynyń, kóliktegi ishki ister organdary qyzmetkerleriniń, jergilikti atqarýshy organdary ókilderiniń jáne jedel qyzmet pen jedel járdem qyzmetkerleriniń jumys istep jatqany aitylady.
"Shý stantsiiasyndaǵy JIIB QR Qylmystyq kodeksiniń 344-babynyń 2-bóligi boiynsha qylmystyq is qozǵady. Tergeý barysy Bas kólik prokýratýrasynyń baqylaýyna alynady", - dep habarlady baspasóz qyzmetindegiler.
Munyń aldynda QR IDM baspasóz qyzmeti Shý stantsiiasy mańynda poiyzdyń relsten shyǵý sebepterin tekseretin komissiia qurylǵanyn habarlaǵan.
"17 maýsymda 13.25-te Saryshaǵan-Shý ýchaskesinde Astana-Almaty baǵytyndaǵy #9/10 poiyzynyń jolaýshylar otyratyn 8 vagony relsten shyǵyp ketti. Tótenshe oqiǵa mashinist temirjoldyń qisaiǵanyn kórip, kólikti shuǵyl tejegeninen keiin boldy. Oqiǵany tekserý úshin QR IDM Kólik komiteti janynan arnaiy komissiia quryldy", - dep habarlaǵan edi QR IDM ókilderi.
