Jambyl oblysynda "Astana-Almaty" baǵytyndaǵy jolaýshylar poiyzynyń segiz vagony relsten shyǵyp ketti. Oqiǵadan jasóspirim qaza taýyp, taǵy úsh adam zardap shekti, dep habarlaidy "Ult aqparat".
"Tórt adam zardap shekti. Bir jasóspirim qaza taýyp, úsh eresek adam ortalyq aýdandyq aýrýhanaǵa jatqyzyldy. Jolaýshylar ekinshi jolmen Shý stansasyna jóneltildi. Qazirgi tańda oqiǵa ornynda qandai da bir qujattary men zattary joǵalǵan adamdar ǵana qaldy", — dep habarlady TJD baspasóz hatshysy Sáýlekúl Munataeva.
Tótenshe jaǵdailar komitetiniń resmi ókili Rýslan Imanqulov ta oqiǵaǵa qatysty aqparatty rastady.
Instagram-daǵy kris_p_almaty tobynda kýágerdiń videosy jariialandy: birneshe jolaýshylar vagony aýdarylyp qalǵan, olardyń terezesinen jolaýshylar shyǵarylyp jatyr.
