Qaraǵandy oblysy Shubarkól kentiniń mańynda Arqalyq-Shubarkól ýchaskesiniń Nurdala – Dorojnyi aralyǵynyń temirjol ótkelinde teplovoz ben KamAZ soqtyǵysty. Qaza bolǵandar men zardap shekkender joq, dep habarlaidy "Ult aqparat".
2021 jylǵy 1 sáýirde 08.20-da Qostanai bóliminiń Arqalyq - Shubarkól bir joldy ýchaskesiniń Nurdala – Dorojnyi aralyǵynyń kúzetilmeitin retteletin temirjol ótkelinde teplovoz ben KamAZ júk kóliginiń soqtyǵysýy oryn aldy.
«Ýchaske boiynsha 60 km/saǵ jyldamdyqpen (osy ýchaskede ornatylǵan 70 km/saǵ) jol júrip kele jatqan lokomotiv mashinisi, temirjolǵa shyǵyp ketken avtomobildi kórgen. Alaida júrgizýshi berilgen signaldarǵa jaýap bermegen. Mashinist jedel tejeýdi basqan, biraq qashyqtyqtyń azdyǵyna bailanysty soqtyǵysýdyń aldyn alý múmkin bolmady. JKO nátijesinde teplovoz relsten shyǵyp ketip, bir búiirine aýdarylǵan. Qaza bolǵandar men zardap shekkender joq. Joldyń zaqymdanbaǵan. Oqiǵa poiyzdardyń keshigýine áser etken joq», - dep habarlady «QTJ» AQ baspasóz qyzmeti.
Oqys oqiǵanyń sebebi kólik júrgizýshisiniń jol qozǵalysy erejelerin buzýy boldy. Ol jaqyndap kele jatqan jyljymaly quramnyń joqtyǵyna kóz jetkizbei jáne baǵdarshamnyń qyzyl signalyn elemei, ótkelge shyqqan. Ótkizý dabyly durys jumys istep turǵan.
