Jambyldyq politseiler Shý qalasynyń turǵyndarynan 96 keliden astam esirtki tárkiledi, dep habarlaidy "Ult aqparat".
«Qarasora-2021» jáne «Kanal» respýblikalyq jedel-aldyn alý is-sharalary barysynda Jambyl oblysy Politsiia departamentiniń esirtki qylmystarymen kúres basqarmasynyń qyzmetkerleri Shý-Merki avtojolynda «Aýdi» kóligin toqtatty.
«Shý qalasynyń turǵyndary bolyp tabylatyn 35 jastaǵy júrgizýshi men 46 jastaǵy jolaýshyny jáne kólikti tekserý kezinde júk salǵyshtan tórt qap tabylyp, onyń ishinen jalpy salmaǵy 96 keli 900 gramm «keptirilgen marihýana» esirtki zaty anyqtaldy», - dep habarlady Jambyl oblysynyń Politsiia departamenti Esirtki qylmysyna qarsy is-qimyl basqarmasynyń bastyǵy Asqar Jumabekov.
QR Qylmystyq kodeksiniń 297-babynyń 3-bóligi (Esirtki zattaryn ótkizý maqsatynda asa iri mólsherde zańsyz saqtaý) boiynsha sotqa deiingi tergeý amaldary bastaldy. Atalǵan qylmys úshin múlki tárkilenip, on jyldan on bes jylǵa deiingi merzimge bas bostandyǵynan aiyrý jazasy kózdelgen.
Ustalǵandar kinásin moiyndap, Shý qalasynyń ýaqytsha ustaý izoliatoryna qamaýǵa alyndy.
