جامبىلدىق پوليتسەيلەر شۋ قالاسىنىڭ تۇرعىندارىنان 96 كەلٸدەن استام ەسٸرتكٸ تەركٸلەدٸ, دەپ حابارلايدى "ۇلت اقپارات".
«قاراسورا-2021» جەنە «كانال» رەسپۋبليكالىق جەدەل-الدىن الۋ ٸس-شارالارى بارىسىندا جامبىل وبلىسى پوليتسييا دەپارتامەنتٸنٸڭ ەسٸرتكٸ قىلمىستارىمەن كٷرەس باسقارماسىنىڭ قىزمەتكەرلەرٸ شۋ-مەركٸ اۆتوجولىندا «اۋدي» كٶلٸگٸن توقتاتتى.
«شۋ قالاسىنىڭ تۇرعىندارى بولىپ تابىلاتىن 35 جاستاعى جٷرگٸزۋشٸ مەن 46 جاستاعى جولاۋشىنى جەنە كٶلٸكتٸ تەكسەرۋ كەزٸندە جٷك سالعىشتان تٶرت قاپ تابىلىپ, ونىڭ ٸشٸنەن جالپى سالماعى 96 كەلٸ 900 گرامم «كەپتٸرٸلگەن ماريحۋانا» ەسٸرتكٸ زاتى انىقتالدى», - دەپ حابارلادى جامبىل وبلىسىنىڭ پوليتسييا دەپارتامەنتٸ ەسٸرتكٸ قىلمىسىنا قارسى ٸس-قيمىل باسقارماسىنىڭ باستىعى اسقار جۇمابەكوۆ.
قر قىلمىستىق كودەكسٸنٸڭ 297-بابىنىڭ 3-بٶلٸگٸ (ەسٸرتكٸ زاتتارىن ٶتكٸزۋ ماقساتىندا اسا ٸرٸ مٶلشەردە زاڭسىز ساقتاۋ) بويىنشا سوتقا دەيٸنگٸ تەرگەۋ امالدارى باستالدى. اتالعان قىلمىس ٷشٸن مٷلكٸ تەركٸلەنٸپ, ون جىلدان ون بەس جىلعا دەيٸنگٸ مەرزٸمگە باس بوستاندىعىنان ايىرۋ جازاسى كٶزدەلگەن.
ۇستالعاندار كٸنەسٸن مويىنداپ, شۋ قالاسىنىڭ ۋاقىتشا ۇستاۋ يزولياتورىنا قاماۋعا الىندى.
