Jambyl oblysy Shý qalasyndaǵy jeke turǵyn úiden órt shyqty. Oqiǵa ornynan eki balanyń máiiti tabyldy, - dep habarlaidy "Ult aqparat" Tótenshe jaǵdailar ministrligine silteme jasap.
Vedomstvo málimetinshe, órt kezinde balalar úide jalǵyz qalǵan.
"2 jeltoqsan saǵat 23.55-te Shý aýdanynyń Shý qalasyndaǵy jeke turǵyn úiden órt (turmystyq zattar men jihazdar órtengen) shyqty. Oqiǵa ornynan 2017 jáne 2020 jyly týǵan eki balanyń máiiti tabyldy.
Jambyl oblysy Tótenshe jaǵdailar departamenti Órt sóndirý qyzmetiniń kúshteri jalyndy saǵat 00:10-da oqshaýlap, saǵat 00:35-te sóndirdi", - dedi Tótenshe jaǵdailar ministrliginiń baspasóz qyzmeti ókilderi.
Ministrlik ókilderiniń málimetinshe, birinshi bólimshe órt ornyna saǵat 23-58-de, iaǵni habarlama kelgen soń 3 minýttan keiin jetken.
"Aldyn ala málimet boiynsha, qaitys bolǵan balalardyń anasy - 1989 jyly týǵan azamatsha balalardy úiine qaldyryp, esikti syrtynan jaýyp ketken.
Aita ketý kerek, bul úide profilaktikalyq jumys 2022 jyldyń 22 qazanynda júrgizildi. Órt sóndirýshiler reidtik is-sharalar barysynda osy úige baryp, órt qaýipsizdigi erejelerin túsindirdi", - delingen habarlamada.
Bul derek boiynsha QR QK 292-babynyń 3-bóligi "órt qaýipsizdigi talaptaryn buzý" boiynsha qylmystyq is qozǵaldy. Qazirgi ýaqytta atalǵan qylmystyq is sheńberinde tergeý is-sharalary júrgizilip jatyr.
