Foto: bobrlife.by
Shý aýdanynda 46 jastaǵy er adam kámeletke tolmaǵan qyz balany bir jarym jyl boiy zorlaǵan. Dál osyndai aryzben politsiiaǵa onyń anasy júgingen, dep habarlaidy Ult.kz HALYQSTAN telegram arnasyna silteme jasap.
I.M. jábirlenýshini alǵash ret aýdannyń bir sharýa qojalyǵynda, qyz 12 jasta bolǵanda azǵyrǵan. Keiin onyń dármensiz kúiin paidalanyp, bul áreketin qaitalaýdy jalǵastyra bergen.
Atalǵan derek boiynsha bastapqyda Qylmystyq kodekstiń 122-baby (16 jasqa tolmaǵan adammen jynystyq qatynasqa túsý nemese basqa seksýaldyq sipattaǵy áreketter jasaý) boiynsha qylmystyq is qozǵalǵan, keiin 120-bapqa (zorlaý) qaita ózgertildi.
Sot-meditsinalyq saraptama taǵaiyndaldy.
Jetinshi synyp oqýshysynyń ne sebepti jáne kimmen birge sharýa qojalyǵynda bolǵany jóninde jáne qyz osyndai qorqynyshty jaǵdaiǵa tap bolǵanda onyń ata-anasy qaida bolǵany týraly suraqqa politsiia jaýap bermedi.
HALYQSTAN tilshisiniń dereginshe, kúdikti jábirlenýshi qyzdyń otbasyna týystyq qatysy bar adam bolyp shyqqan.
Qazirgi ýaqytta ol ustalyp, ýaqytsha ustaý izoliatoryna qamalǵan.
