Jambyl oblysy ákiminiń ókimimen, Qazaqstan Respýblikasy Prezidenti Ákimshiliginiń jáne aýdandyq máslihat depýtattarynyń kelisimi boiynsha Nurjan Kalenderov Shý aýdanynyń ákimi bolyp taǵaiyndaldy, dep habarlaidy QazAqparat.
Jańa ákimdi aýdan aktivine oblys ákiminiń birinshi orynbasary Bekbolat Orynbekov arnaiy tanystyrdy. Ol aýdannyń burynǵy ákimi Jarylqasyn Aitaqovtyń óz ótinishi boiynsha qyzmetinen bosatylǵandyǵyn jetkizdi.
Bekbolat Orynbekov Nurjan Kalenderovtiń memlekettik qyzmette, onyń ishinde basshylyq qyzmetterde bolyp, mol tájiribe jinaqtaǵanyn, óz isiniń bilikti kásibi mamany ekendigin tilge tiek etti.
Oblys ákimdigi aýdannyń jańa basshysynyń aldyna óńirdiń áleýmettik-ekonomikalyq damýy, zańdylyq pen tártipti saqtaý, qoǵamdaǵy birlik pen kelisimdi nyǵaitý boiynsha birqatar mindetter júktep otyr.
Óz kezeginde Nurjan Kalenderov aimaq basshysyna senim bildirgeni úshin alǵysyn jetkizip, aldaǵy ýaqytta Shý aýdanynyń damýy men órkendeýi jolynda bar kúsh-jigerin jumsaitynyna sendirdi.
Turǵyndar atynan sóz alǵan aýdandyq ardagerler keńesiniń tóraǵasy Qazaqbai Baijumanuly jańa ákim aýdandy odan ári shyrailandyra tússe degen nietin jetkizdi. Nurjan Sábituly Kalenderov 1976 jyly Jambyl oblysynda dúniege kelgen. Bilimi joǵary, 1997 jyly Jambyl jeńil jáne tamaq ónerkásibi tehnologiialyq institýtyn «halyqaralyq ekonomikalyq qatynastar» mamandyǵy boiynsha támamdaǵan.
Eńbek jolyn 1997 jyly «Arnabol» JShS-de qarapaiym esepshi bolyp bastaǵan.
Taraz qalalyq «MZTO» bóliminde aǵa maman, «MZTO» Jambyl oblystyq filialynda bas maman, Jambyl oblysy ákimi apparatynyń bas mamany, bólim bastyǵy, basqarma basshysynyń orynbasary, qarjy basqarmasynyń basshysy, Jambyl jáne Qordai aýdandarynyń, Taraz qalasynyń ákimi, Jambyl oblysy ákiminiń apparat basshysy qyzmetterin atqarǵan.
2019 jyldyń sáýirinen bastap búginge deiin Jambyl oblysy ákiminiń orynbasary bolyp eńbek etip keldi.
