Merdiger kompaniialardyń shotyna is júzinde jetkizilmegen taýardyń aqysyn aýdaryp, sybailasyna zańsyz syiaqy taǵaiyndaǵan Shý aýdandyq veterinarlyq stansanyń direktory 8 jylǵa sottaldy, dep habarlaidy QazAqparat.
Bul týray Sybailas jemqorlyqqa qarsy is-qimyl agenttiginiń asa mańyzdy ister boiynsha tergeýshisi Daniiar Begaidarov Antikor aqparat alańynda aitty.
«14 qyrkúiekte «Shý aýdanynyń veterinarlyq stantsiiasy» sharýashylyq júrgizý quqyǵndaǵy kmoomýnaldyq memlekettik kásiporyn direktory D. Tilemisov 8 jyl merzimge bas bostandyǵynan aiyryldy. Osy mekemeniń býhgalteri S. Aýkesheva 7 jyl merzimge bas bostandyǵynan aiyryldy», - dedi Daniiar Begaidarov.
Agenttik tergeýshisiniń aitýynsha, direktor men býhgalter zańsyz áreketteri arqyly memleketke 92,9 mln teńge ziian keltirgen.
«Olar is júzinde jetkizilmegen taýar-materialdyq qundylyqtar úshin úlestes kompaniialardyń shottaryna negizsiz ótem aýdarý jolymen, sondai-aq ózderine kóterińki jalaqy, syilyqaqylar men issapar shyǵystaryn negizsiz aýdarý jolymen 62 954 936 teńge somasynda biýdjet qarajatyn jymqyrý kúdigine ilindi», - dedi agenttik ókili.
