مەردٸگەر كومپانييالاردىڭ شوتىنا ٸس جٷزٸندە جەتكٸزٸلمەگەن تاۋاردىڭ اقىسىن اۋدارىپ, سىبايلاسىنا زاڭسىز سىياقى تاعايىنداعان شۋ اۋداندىق ۆەتەرينارلىق ستانسانىڭ ديرەكتورى 8 جىلعا سوتتالدى, دەپ حابارلايدى قازاقپارات.
بۇل تۋراى سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر بويىنشا تەرگەۋشٸسٸ دانييار بەگايداروۆ Antikor اقپارات الاڭىندا ايتتى.
«14 قىركٷيەكتە «شۋ اۋدانىنىڭ ۆەتەرينارلىق ستانتسيياسى» شارۋاشىلىق جٷرگٸزۋ قۇقىعنداعى كموومۋنالدىق مەملەكەتتٸك كەسٸپورىن ديرەكتورى د. تٸلەمٸسوۆ 8 جىل مەرزٸمگە باس بوستاندىعىنان ايىرىلدى. وسى مەكەمەنٸڭ بۋحگالتەرٸ س. اۋكەشەۆا 7 جىل مەرزٸمگە باس بوستاندىعىنان ايىرىلدى», - دەدٸ دانييار بەگايداروۆ.
اگەنتتٸك تەرگەۋشٸسٸنٸڭ ايتۋىنشا, ديرەكتور مەن بۋحگالتەر زاڭسىز ەرەكەتتەرٸ ارقىلى مەملەكەتكە 92,9 ملن تەڭگە زييان كەلتٸرگەن.
«ولار ٸس جٷزٸندە جەتكٸزٸلمەگەن تاۋار-ماتەريالدىق قۇندىلىقتار ٷشٸن ٷلەستەس كومپانييالاردىڭ شوتتارىنا نەگٸزسٸز ٶتەم اۋدارۋ جولىمەن, سونداي-اق ٶزدەرٸنە كٶتەرٸڭكٸ جالاقى, سىيلىقاقىلار مەن ٸسساپار شىعىستارىن نەگٸزسٸز اۋدارۋ جولىمەن 62 954 936 تەڭگە سوماسىندا بيۋدجەت قاراجاتىن جىمقىرۋ كٷدٸگٸنە ٸلٸندٸ», - دەدٸ اگەنتتٸك ٶكٸلٸ.
