Halyqaralyq aqparat agenttikteri Shri-Lankadaǵy shirkeýler men qonaq úilerdegi jarylystan soń haiýanattar parkinde de bomba jarylǵanyn jarysa jazdy. Eki adam qaza tapqan. Jaralanǵandar aýrýhanaǵa jetkizildi, dep habarlady ADAderana basylymy.
Jergilikti politsiia dereginshe, barlyq jarylystan 150-den astam adam qaza tapqan, 400-den astam adam zardap shekken.
Shri-Lanka Prezidentiniń baspasóz qyzmeti el aýmaǵynda 12 saǵatqa komendanttyq saǵat engizilgenin habarlady.
Sáýirdiń 21-i kúni Shri-Lankada úsh shirkeý jáne úsh qonaq úide jarylys bolyp, júzden astam adam qaza tapqan. Indian Express qaza tapqandar arasynda 30-dan astam shetel azamaty bolǵanyn habarlady. Ázirge birde-bir uiym oqiǵany moinyna alǵan joq.
