Belarýs mamany Aleksei Shpilevskii el chempiony Almatynyń «Qairatynan» ketti, dep habarlaidy "Ult aqparat".
«Qairat» fýtbol klýbynyń baspasóz qyzmeti málim etkenindei, A.Shpilevskii komandada bas jattyqtyrýshy mindetin 2,5 jyl boiy atqardy.
A.Shpilevskii Germaniiada Býndesliganyń ekinshi divizionynda óner kórsetetin «Ertsgebirge» fýtbol klýbynyń bas bapkeri bolyp taǵaiyndaldy.
«Qairatpen» kelisimsharttyń merziminen buryn úzilýine bailanysty almatylyq komanda «Ertsgebirge» klýbynan ótemaqy alatyn bolady.
«Qairattyń» ýaqytsha bas bapkeri mindetin qazaqstandyq maman Kirill Keker atqarady. Ol biylǵy maýsymda «Qairat-Jastardyń» basshylyǵyna kelgen bolatyn. Sondai-aq jastar komandasyn akademiia bapkeri Kirill Morýnov jattyqtyratyn boldy.
Aita keteiik, ótken jyly A.Shpilevskiidiń basshylyǵymen «Qairat» el chempiony atanǵan edi.
