QR Sybailas jemqorlyqqa qarsy is-qimyl agenttiginiń tóraǵasy Alik Shpekbaev jemqorlyqpen kúreste qoǵamdyq uiym ókilderiniń qosyp jatqan úlesi týraly aityp berdi, dep habarlaidy QazAqparat.
«2015-2025 jyldarǵa arnalǵan Sybailas jemqorlyqqa qarsy strategiianyń júzege asyrylyp jatqanyna bes jyl boldy. Arnaiy monitoring toby jumys bastaǵaly tórt jyldan asyp ketti. Qazir qoǵamdyq mańyzyna bailanysty arnaiy monitoring tobynyń mártebesi erekshe. Bul degenińiz - bizdiń qoǵamnyń belsendi ekenin, jemqorlyqqa qarsy kúreste memlekettik organdarǵa kómek kórsetip jatqanyn pash etedi. Ýákiletti organ qylmystyq qýdalaýdan buryn onyń sebepteri men aldyn alý máselesin mańyzdy sanaidy. Kóp másele sheshimin tapty. Búgingi kúni jumysymyzǵa jaqsy baǵa berilip jatsa, ol - eń aldymen arnaiy monitoring tobynyń eńbegi. Keiingi 3 jylda jemqorlyq jaǵdaiynyń turaqty túrde azaiyp jatqanyn atap ótkim keledi», - dedi Alik Shpekbaev elordada arnaiy monitoring tobynyń otyrysynda.
Agenttik basshysy sonymen qatar, top múshelerine qoldaý bildirý kerektigin de atap ótti.
«Parasattylyqtyń halyqqa jariia reitingin engizip jatyrmyz. Onda memlekettik organdardyń ashyqtyǵy men bilik ókilderiniń qoljetimdiligi saralanady. Biyl 100 servistik ákimdik ashyldy. 2020 aýdan «open space» - ashyq ári erkin keńistik formatyna ótip ketti. Bul degenińiz memlekettik basqarý júiesiniń ózgerip jatqanyn kórsetedi. Sonymen qatar, front-keńse ashý arqyly 300 memlekettik mekeme transformatsiiadan ótti», - deidi Sybailas jemqorlyqqa qarsy qyzmet basshysy.
