قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆ جەمقورلىقپەن كٷرەستە قوعامدىق ۇيىم ٶكٸلدەرٸنٸڭ قوسىپ جاتقان ٷلەسٸ تۋرالى ايتىپ بەردٸ, دەپ حابارلايدى قازاقپارات.
«2015-2025 جىلدارعا ارنالعان سىبايلاس جەمقورلىققا قارسى ستراتەگييانىڭ جٷزەگە اسىرىلىپ جاتقانىنا بەس جىل بولدى. ارنايى مونيتورينگ توبى جۇمىس باستاعالى تٶرت جىلدان اسىپ كەتتٸ. قازٸر قوعامدىق ماڭىزىنا بايلانىستى ارنايى مونيتورينگ توبىنىڭ مەرتەبەسٸ ەرەكشە. بۇل دەگەنٸڭٸز - بٸزدٸڭ قوعامنىڭ بەلسەندٸ ەكەنٸن, جەمقورلىققا قارسى كٷرەستە مەملەكەتتٸك ورگاندارعا كٶمەك كٶرسەتٸپ جاتقانىن پاش ەتەدٸ. ۋەكٸلەتتٸ ورگان قىلمىستىق قۋدالاۋدان بۇرىن ونىڭ سەبەپتەرٸ مەن الدىن الۋ مەسەلەسٸن ماڭىزدى سانايدى. كٶپ مەسەلە شەشٸمٸن تاپتى. بٷگٸنگٸ كٷنٸ جۇمىسىمىزعا جاقسى باعا بەرٸلٸپ جاتسا, ول - ەڭ الدىمەن ارنايى مونيتورينگ توبىنىڭ ەڭبەگٸ. كەيٸنگٸ 3 جىلدا جەمقورلىق جاعدايىنىڭ تۇراقتى تٷردە ازايىپ جاتقانىن اتاپ ٶتكٸم كەلەدٸ», - دەدٸ اليك شپەكباەۆ ەلوردادا ارنايى مونيتورينگ توبىنىڭ وتىرىسىندا.
اگەنتتٸك باسشىسى سونىمەن قاتار, توپ مٷشەلەرٸنە قولداۋ بٸلدٸرۋ كەرەكتٸگٸن دە اتاپ ٶتتٸ.
«پاراساتتىلىقتىڭ حالىققا جارييا رەيتينگٸن ەنگٸزٸپ جاتىرمىز. وندا مەملەكەتتٸك ورگانداردىڭ اشىقتىعى مەن بيلٸك ٶكٸلدەرٸنٸڭ قولجەتٸمدٸلٸگٸ سارالانادى. بيىل 100 سەرۆيستٸك ەكٸمدٸك اشىلدى. 2020 اۋدان «open space» - اشىق ەرٸ ەركٸن كەڭٸستٸك فورماتىنا ٶتٸپ كەتتٸ. بۇل دەگەنٸڭٸز مەملەكەتتٸك باسقارۋ جٷيەسٸنٸڭ ٶزگەرٸپ جاتقانىن كٶرسەتەدٸ. سونىمەن قاتار, فرونت-كەڭسە اشۋ ارقىلى 300 مەملەكەتتٸك مەكەمە ترانسفورماتسييادان ٶتتٸ», - دەيدٸ سىبايلاس جەمقورلىققا قارسى قىزمەت باسشىسى.
