Sybailas jemqorlyqqa qarsy is-qimyl agenttiginiń tóraǵasy Alik Shpekbaev júk ólsheýdiń avtomattandyrylǵan júiesi týraly aitty, dep habarlaidy QazAqparat.
«Paida tabýdy ǵana kózdeitin tasymaldaýshylar júkterdiń salmaqtyq ólshemderin saqtamaityny eshkimge qupiia emes. Sol arqyly baqylaýsyz ótý úshin sybailas jemqorlyq joldaryn izdeidi. Osylaisha memleketke eki ese ziian keledi. Bir jaǵynan, qazynaǵa júk tasymalynan qarajat túspeidi, ekinshi jaǵynan – jol sapasy nasharlaidy», - deidi Sybailas jemqorlyqqa qarsy is-qimyl agenttiginiń tóraǵasy Alik Shpekbaev elordada ótken forýmda.
Agenttik janyndaǵy Arnaiy monitoringtik top Kóliktik baqylaý inspektsiiasymen birlesip 47 reid ótkizgen.
«Nátijesinde 225 artyq júk tieý faktisi anyqtalyp, ár jaǵdai boiynsha ákimshilik hattama toltyryldy. Árine, aiyppul salý arqyly jaǵdai túzelmeidi. Túbegeili sharalar qabyldaý qajet. Damyǵan elder tájiribesine súienip, baqylaý-ótkizý beketterinde júk ólsheýdiń avtomattandyrylǵan júiesin engizý arqyly adami faktordy tolyq alyp tastaý - sheshimniń ońtaily nusqasy», - deidi ol.
