Almatyda «Premera» turǵyn úi keshenin basqarǵan páter ieleri kooperativiniń burynǵy tóraǵasy qamaýǵa alyndy, dep habarlaidy QazAqparat.
Naýryzbai aýdanynyń prokýratýrasy birneshe jyldan beri turǵyn úi keshenin basqarýǵa qatysty máseleler turǵyndar arasynda narazylyq pen kelispeýshilik týdyrǵanyn habarlady.
Azamattardyń ótinishteri men basqa da materialdarǵa júrgizilgen taldaý nátijelerimen sotqa deiingi tergep-tekserýdi bastaý úshin jetkilikti negizder bar ekendigi anyqtaldy.
Saraptama qorytyndysy boiynsha páter ieleri kooperativiniń esepshotynda 70 million teńgeden astam qarajat jetispeitini anyqtaldy. Turǵyndar nysandy kútip ustaý boiynsha qyzmetter úshin tólegen, biraq qarjy qalanyń kommýnaldyq qyzmetterine túspegen.
«Osyny eskere otyryp, aýdan prokýratýrasymen PIK-tiń burynǵy tóraǵasyn kúdikti dep taný týraly sheshim kelisildi, QR QK-niń 189-baby 4-bóligi 2-tarmaǵy (iaǵni asa iri mólsherde jasalǵan bótenniń múlkin urlaý) boiynsha onyń áreketteriniń biliktiligi anyqtaldy. Sondai-aq prokýratýra jasalǵan qylmystyń aýyrlyǵyn eskere otyryp, tergeý organnyń burynǵy PIK tóraǵasyn qamaýǵa alý qajettiligi týraly ótinishin qoldady, ol keiinnen sottyń sanktsiiasymen qamaýǵa alyndy. Qazirgi ýaqytta tergeý jalǵasyp jatyr. Tergeý aiaqtalǵannan keiin qylmystyq isti qaraý jáne túpkilikti úkim shyǵarýǵa sotqa jiberiledi», - dep habarlady prokýratýradan.
Prokýratýranyń qabyldaǵan sharalarymen kommýnaldyq qyzmetter aldyndaǵy bereshekterine qaramastan, osy turǵyn úi kesheni elektr – jylýmen jabdyqtaýdan ajyratýǵa jol berilgen joq.
